Eers was daar te veel reën, toe te min, en meer onlangs het sommige boere onder swaar ryp deurgeloop. By Mareetsane sê boere hulle sukkel veral met peule wat in die grond agterbly en afbreek wanneer dit uitgehaal word.
’n Boer van Schweizer-Reneke wat nie sy naam genoem wil hê nie, sê blaarvlek het hierdie seisoen sy tol geëis, en talle grondboonboere in Noordwes sukkel met peulvrot ná ’n besondere nat seisoen.
’n Boer van Wolmaransstad sê dat grondboontjielande daar steeds só nat is dat die uithalers nie eens in die lande kan ingaan nie.
