Slimfone en sosiale media het
die medialandskap oor die jare heen verander met almal wat tans ’n kragtige
mini-rekenaar met inligting tot enige inhoud sommer in hul sak kan ronddra.
Landbouweekblad se digitale platform, Landbou.com, is reeds Suid-Afrika se grootste digitale landbouhandelsmerk, en met die onlangse bekendstelling van ons betaalmuur het ons nou ’n gerieflike bêreplek vir al die produkte wat die Landbouweekblad-handelsmerk produseer.
Agter die betaalmuur kan lesers nou ons reeks landbouboeke lees, na episodes van ons gewilde TV program Landbouweekliks kyk, ons reeks spesialistydskrifte soos Boerekos, Vee, Boereplanne, Tegnologie en African Farming lees, of luister na ons toonaangewende webinare en konferensies bywoon. Dan is daar ook ons gewilde in-diepte weer-funksionaliteit, ’n leesfunksie vir artikels en ’n nuwe beoogde interaktiewe veilingsplatform.
Met hierdie waarde-vir-geld digitale aanbod vir lesers se veranderde leesbehoefte kan almal nou daaglikse vars nuus en ander tydsgebonde gebeure op die web kry, sê Chris Burgess, hoofredakteur van Landbouweekblad.
“Vanaf April 2023 sal die tydskrif tweeweekliks verskyn, wat die redaksiespan die beweegruimte sal gee om meer waardevolle, indiepte-artikels te skryf wat in sowel die tydskrif as agter die betaalmuur sal verskyn.
“Die verstellings sal nie net groter waarde vir ons lesers ontsluit nie, maar ook ’n algehele verbeterde leserservaring bied wat Landbouweekblad sal toerus om die landboubedryf op ’n hoër vlak vir die volgende eeu te kan bedien.”
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
