"Doen landbou-ondernemings en regerings genoeg om jong mense van Afrika toe te rus om Afrika-landbou se potensiaal te ontsluit? Hoeveel meer kan ons bereik as ons as vennote saamwerk?"
Dié vrae het mnr. Mark Titterington, hoof van korporatiewe sake, EMEA (Europe, Africa, Middle East region), Syngenta, regstreeks aan die minister van landbou gerig by die internasionale vereniging vir voedsel en landboubesigheidsbestuur (Ifama) se jaarlikse byeenkoms in Kaapstad.
Titterington het gesê Afrika het die vermoë om 'n netto uitvoerder van landbouprodukte te word, dog landboumaatskappye moet die mense van die vasteland help om vaardighede en vermoëns vir boerdery en verder in die waardeketting te ontwikkel.
"Ons moet boerdery en landboubesigheid opwindend maak sodat dit net so opwindend is om in die landbou te werk as by Google of Apple."
Sy maatskappy is daaraan toegewy om met alle boere – groot en klein – saam te werk.
