’n 27-jarige man is verlede week in Piet Retief in Mpumalanga in hegtenis geneem nadat die polisie twee renosterhorings in sy motor se enjinkompartement gekry het.
Die verdagte was in ’n wit Nissan Quashqai van Wakkerstroom na Piet Retief onderweg toe lede van die publiek die polisie in kennis stel dat hy renosterhorings vervoer. Hy is in Piet Retief se middedorp voorgekeer en sy motor is deursoek.
Twee renosterhorings is onder die enjinkap gekry. Dit was in plastieksakke toegedraai en tussen die enjin en verkoeler geplaas.
Ntsako Prince Letswele het Vrydag in die landdroshof op Piet Retief verskyn waar die saak uitgestel is tot 14 Maart om hom die geleentheid te gee om ’n regsverteenwoordiger te kry.
Landbou.com kon teen Dinsdag nog nie bevestiging kry of Letswele aansoek gedoen het om borgtog nie.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
