Die Mededingingskommissie het ‘n aansoek om appèl by die Grondwethof teen Woodlands Dairy se saak oor beweerde prysknoeiery in die melkbedryf, teruggetrek.
Luidens ‘n berig op Fin24.com het die kommissie die stap Maandag (8 November) in ‘n verklaring bekendgemaak.
“Die Mededingingkommissie het vandag ‘n kennisgewing om sy aansoek by die Grondwethof vir verlof tot appèl teen die besluit van die Appèlhof in die Woodlands-saak teruggetrek, ingehandig,” lui die verklaring.
Nie invloed op ondersoek
Die kommissie sê hy het die bevindings van die appèlbeslissing noukeurig nagegaan en met behulp van regsadvies gevind dat dié bevinding nie sy take om oortredings ten opsigte van die Mededingingswet te ondersoek of vervolg nie.
Die Appèlhof het bevind dat die klagtes van beweerde nie-mededingende optrede van Woodlands Dairy en Milkwood die gevolg van ‘n verkeerde aanklag prosedure was. Die beteken die kommissie het buite magte opgetree om voort te gaan met sy ondersoek.
Die ondersoek na nie-mededingende praktyke binne die suiwelbedryf het in Februarie 2005 begin. Clover Industries, Clover SA, Parmalat, Ladismith Cheese, Woodlands Dairy, Lancewood, Nestlé SA en Milkwood Dairy vorm deel van die ondersoek.
Bron: Fin24.com
9 November 2010
