Die minimum loon vir plaaswerkers is wat my betref nie net sleg vir die boer nie, maar ook vir die werkers. Hoekom met ek nou iemand wat ek pas aangestel het, dieselfde betaal as iemand wat al jare by my werk en die werk ken?
Daar is soveel duisende werkloses wat vir minder as R25,42 per uur sal werk net om werk te kry. Met ander woorde, jy mag hom nie help deur hom byvoorbeeld R20 per uur aan te bied nie – dan is jy die vark in die verhaal. Hy moet liewer loop en bedel of steel as om ’n werk te hê wat minder betaal.
Ek vra myself af: Kan ’n regering so kortsigtig wees? In die goeie oud dae kon jy ’n kind in oestyd ’n werkie gee net om hom te help, maar nou is dit teen die wet. Ek het self vakansietye my oupa-hulle gehelp mielies oes vir sakgeld. Nou is dit ’n misdryf!
