Die produktiewe produksie van rooivleis is die voorland vir die Noord-Kaapse veeboere om nóg 'n moeilike jaar in die bedryf die hoof te bied.
Mnr. James Faber, voorsitter van die Noord-Kaapse RPO-kongres gesê veeprodusente sal vanjaar moet kyk hoe hulle hul produksie teen die laagste koste kan bedryf.
Faber het in sy voorsittersverslag in Kimberley gesê die produsenteprys van rooivleis sal na verwagting vanjaar steeds onder druk bly.
"Hierdie druk gaan grootliks kom van die verbruiker wie se bestedingsvermoë onder aan bande gelê word. Verhoogde inflasie lê en wag vir ons," sê Faber. "Die styging in die inflasiekoers sal na verwagting later vanjaar teëgewerk word met 'n rentekoersverhoging deur die Reserwebank. Dit sal die verbruiker se bestedingsvermoé verder laat afneem," se Faber.
Volgens Faber is die land se dieregesondheidstatus een van die grootste bedreigings vir die nasionale veestapel.
Hy se egter verskeie geleenthede vir die uitvoer van vleis word tans geskep deur die land se huidige bek-en-klouseervrye status. In die lig van die verswakte wisselkoers kan beter pryse vir die Suid-Afrikaanse produsent beding word vir die uitvoer van uitsoek-vleissnitte.
Faber het die samewerking van die provinsie se RPO belowe in die opstel van nuwe standaard-operasionele prosedure en die toepassing van maatreels ten opsigte van die invoer van lewende diere. Die proses is tans in groot omstredenheid gehul.
