Grondeienaars en gebruikers moet altyd voorbereid wees op die moontlikheid van veldbrande – nie net om die skade aan vee, wild of weiding te verminder nie, maar ook op die wetlike gevolge en skadevergoedingseise.
Mnr. Rob Erasmus, een van die direkteure van Enviro Wildfire Services wat veldbrandbestuur- en ondersteunende dienste aanbied, sê sommige mense dink ’n wegholbrand sal óf nie met hulle gebeur nie óf hulle kan self die gevolge daarvan hanteer.
Dit volg op verwoestende veldbrande in die Vrystaat, Noordwes en die Noord-Kaap die afgelope maande. Erasmus se maatskappy wat in die Wes-Kaap geleë is, is reeds die afgelope jare 20 betrokke by die bestryding van brande in die Wes- en Suid-Kaap.
