Die direksielede is me. Lusanda Nomasongo Netshitenzhe, voorsitter van die raad, mnr. Masopha Moshoeshoe, adv. Anthonie Viviers, dr. James Fraser Bourhill en me. Precious Hlengiwe Makoe.
Die grondsakeraad is in die departement van openbare werke gesetel en word moontlik gemaak deur die Wet op Grondsake (Wet 101 van 1987). Die wet maak voorsiening vir die vasstel van die vergoedingsbedrag, koopprys of verhuringsbedrag van vaste bates wat deur die departement van openbare werke vir openbare doeleindes onteien, gekoop of uitverhuur word. Dit maak ook voorsiening vir die vestiging van ’n grondsakeraad.
Funksies van die raad
Die raad bepaal die vergoedingsbedrag, koopprys of die huur betaalbaar, maar die minister van openbare werke mag in sekere gevalle amptenare aanwys om die verhuringsbedrag te bepaal.
Die raad kan ook enige ander minister, staatsdepartement, staatsentiteit of regspersoon adviseer rakende die waarde en grondregte van onroerende eiendom wat verkry of vervreem moet word.
