Foto: Fredalette Uys
Die nasionale PLAS-vereniging lei môre ’n vreedsame optog van Oos-Kaapse boere in Bhisho.
Die nasionale PLAS-vereniging lei môre ’n optog in Bhisho om ’n griefskrif aan me. Nonkqubela Pieters, Oos-Kaapse LUR vir landbou, te oorhandig. Nog ’n optog sal dieselfde tyd in Gauteng en later in die sewe ander provinsies plaasvind.
Die griefskrif beskryf die kwessies en probleme wat die Oos-Kaapse boere in die gesig staar. Hoewel hulle van verskillende bedrywe is, staar dieselfde probleme hulle in die gesig weens ’n gebrek aan steun van die departement van landbou, grondhervorming en landelike ontwikkeling, en ander belanghebbendes in die regering.
Die optog begin om 10:00 vanaf die plaveisel in Independence-laan, Bhisho, waarvandaan na die Dukumbana-gebou in dieselfde straat beweeg sal word.
