Pioneer Foods het sy oog op die drankmaatskappy KWV.
Aandeelhouers in dié maatskappye is laat Vrydagmiddag (29 Oktober) in ‘n gesamentlike verklaring aanbeveel om “volgehoue omsigtigheid aan die dag te lê met enige verhandelinge in hul aandele totdat ‘n verdere aankondiging gemaak word”.
Dít volg nadat Pioneer Foods voelers na KWV Beherend uitgesteek het. “Daar kan geen sekerheid wees dat die besprekings tot ‘n transaksie sal lei nie,” lui die verklaring.
Indien Pioneer Foods se aanbod egter aanvaar word en KWV by die Pioneer-stal aansluit, kan so ‘n transaksie ‘n beduidende impak op beide maatskappye se aandeelprys hê. ‘n Sondag-koerant berig dit sal Pioneer Foods tussen R700 miljoen en R800 miljoen kos om KWV uit te koop.
Meer nuus hieroor sal in die volgende uitgawe van Landbouweekblad verskyn.
1 November 2010
