Voertuiglisensies
kan weer hernieu word by feitlik alle poskantore wat die diens bied.
Die Poskantoor sê as voertuigeienaars nie ’n hernuwingskennisgewing ontvang het nie, kan hulle die nodige vorm voor die tyd aflaai en invul. Die skakel is op die Poskantoor se webwerf.
’n Eienaar moet sy identiteitsdokument saambring. Betalings met bankkaarte of kontant word aanvaar.
Die Poskantoor raai voertuigeienaars aan om nie van die 4de tot die 7de van ’n maand vir hernuwings na takke te gaan nie, aangesien dit dan weens Sassa-betalings baie druk gaan.
“Dis ook raadsaam om die 21ste van die maand te vermy. Voertuigeienaars kry outomaties 21 dae grasie om die lisensie te betaal nadat dit verval het en op dié dag stroom laatslapers na poskantore toe,” sê die Poskantoor.
Die meeste takke bied ook ’n massa-hernuwingsdiens vir vlooteienaars aan.Die diens is nie in dié stadium by poskantore in Mpumalanga en die Wes-Kaap beskikbaar nie.
Kliek hier-onder om die lyste van poskantore, met hul adresse en telefoonnommers, te vind waar voertuiglisensies hernieu kan word.
Landbouweekblad is steeds beskikbaar op winkelrakke, terwyl sake by https://t.co/J5CsarOmv3 en @landbouweekliks vlot verloop. Lees hier wat jou te doen staan indien jy sukkel om die tydskrif in die hande te kry én hoe jy digitaal kan lees. https://t.co/Ug6tJEMNfl
— landbou.com (@landbou) May 12, 2020
