Volgens mnr. Peter Cloete, voorsitter van Agri Oos-Kaap, het die reën wat sedert verlede week oor groot dele van die provinsie geval het, baie skade veroorsaak aan die provinsie se paaie.
“Die paaie was in ’n skokkende toestand weens ’n tekort aan onderhoud en nou lyk dit nóg slegter. Dit is glad nie meer ’n grap nie. Ons kan op baie van die paaie nie meer ry nie.”
Agri Oos-Kaap vergader tans op verskeie vlakke met verteenwoordigers van die provinsiale regering om oplossings te vind vir die probleme.
