Op Konsortium-Merino se 32ste produksieveiling op die plaas Dombietersfontein is dié ram teen die hoogste pryse van R80 000 verkoop. Die Mikneiah-boerdery van mnre. Johan en Roelof Theron, Murraysburg, en mnr. Johan Moolman van Dunedin, Beaufort-Wes, het die topprys betaal. Agter, van links, is mnre. Vetties Esterhuizen, Konsortium-Merinoteler, Hannes Esterhuizen van Segard Masurel Wolmakelaars, Jakkie Nel, afslaer, Roelof Theron en Johan Moolman, kopers, en Sarel Cilliers, bedryfshoof van GWK op Kimberley. Die hanteerder is mnr. Vuvi Tatubane. Die 554 ooie op die veiling is teen gemiddeld R2 346 stuk verkoop, met ‘n hoogste prys van R2 600 per ooi vir tweetand handelsmerkooie. Astra Deals van Prieska, het hulle gekoop. GWK het die veiling hanteer.
