Tot dusver het China, Botswana en Mosambiek bilaterale ooreenkomste met Suid-Afrika oor invoer opgeskort. Mnr. Louw van Reenen, voorsitter van die rooivleisbedryfsforum en uitvoerende hoof van Beefmaster, sê die ooreenkomste verskil van land tot land.
“Die ooreenkoms met China het byvoorbeeld bepaal as dit in Limpopo en die noordelike dele van Mpumalanga en KwaZulu-Natal voorkom, kan nog uitgevoer word, maar as dit buite die beheerde gebied versprei, word die uitvoer van wol, vleis en huide stopgesit.
“Dit hou groot nadele in. Dit is ons grootste vleisuitvoermark met die grootste volumes, al was dit nie altyd die winsgewendste mark nie. “Met tye word daar meer vleis daarheen uitgevoer as na die hele Midde-Ooste.
