Die roetes wat ook deur die landbou- en toerismesektor gebruik word, is die hoofroete vir Noord-Kaapse mangaanmynmaatskappye wat hul vragte grondstof padlangs na die hawens in die Oos-Kaap vervoer.
Volgens mnr. Nicol Jansen, voorsitter van Agri Noord-Kaap, is die haglike paaie gevaarlik vir motoriste en dit hou nadelige ekonomiese gevolge in. “Die premier en die provinsiale departement van paaie en openbare werke het ons voorstel aanvaar dat Sanral die bestuur van die roetes van Hotazel tot Hanover oorneem. Die provinsiale departement se begroting is onvoldoende om die pad, wat druk en swaar verkeer moet dra, te onderhou. Ons wag nou dat die besluit deur die minister goedgekeur word sodat herstelwerk aan die roetes kan begin. Die mynbousektor lewer die grootste bydrae tot die provinsiale BBP-syfers en behoort ondersteuning van die owerhede te geniet.”
Die gedeelte van die R31 tussen Koopmansfontein en Daniëlskuil wat reeds in ’n swak toestand was, is vroeër vanjaar weens veiligheidsredes gesluit weens vloede ná mildelike reënval en sodat herstelwerk gedoen kan word.
