Sibiya was een van die sprekers op ’n Agbiz-werksessie oor hoe die herlewing van die platteland bevorder kan word.
Sasria is ’n maatskappy in staatsbesit wat ná die 1976-Soweto-opstande gevorm is. Hy betaal eise uit vir skade weens opstande, stakings, terrorisme en openbare wanorde.
Dit is vir Sasria veral ná die onluste in KwaZulu-Natal in 2021 belangrik om skade deur oproer te probeer voorkom. Sibiya het sy kommer uitgespreek oor die moontlike gevolge van beurtkrag, byvoorbeeld in gevalle waar werkers nie bonusse kan kry nie.
