Om R164,09 vir kragverbruik te betaal, maar ’n Eskom-rekening vir R1456,56 te ontvang, voel net nie lekker nie.
Mnr. Johan Schoeman van Buffelsvlei, De Rust, het sy Eskom-rekening vir Oktober aan Landbou.com gestuur. Die rekening beloop R1456,56, maar slegs R164,09 is vir kragverbruik.
Die res van die rekening lyk so:
| Diens- en administrasiefooi: |
| Toegang tot die netwerk: |
| Vraag na netwerk: |
| Diverse: |
| Verbruik: |
| Totaal: |
Schoeman is 'n wildboer en hy woon nie heeltyds op die plaas nie. Dit is hoekom sy gemiddelde verbruik so laag, is sê hy. Hy gebruik egter ook sonkragpompe en sonverwarming vir water.
“Ek is ongelukkig omdat dit my hoegenaamd nie help dat ek min elektrisiteit verbruik nie. Ek het juis besluit om meer sonkrag te gebruik om krag te bespaar – en het reeds met Eskom daaroor probeer praat, maar dit help net mooi niks.
“Al gebruik ek geen krag nie, is my rekening vir die maand 'n minimum van R1400 – sonder dat ek 'n lig aangesit het.”
Sy buurman is in 'n soortgelyke situasie: Die pomp wat hy op sy plaas het, is heeltmal afgeskakel, maar hy kry steeds 'n rekening van Eskom. Toe hy daaroor kla, het Eskom die meter laat toets (net Eskom mag die meter self toets). Hy moes selfs betaal vir die toets. Dus, dié pomp, wat vir maande afgeskakel is, gebruik ook krag, volgens Eskom.
Hoe lyk jou Eskom-rekening?
