Die grootste draer van boere se totale skuld sedert 2006 is handelsbanke. Teen 2021 het boere R129,630 miljard aan hierdie banke geskuld, teenoor R22,045 miljard in 2006. Sedert 2019 was boere se skuld aan die Land Bank feitlik onveranderd – R54,196 miljard in 2019, R54,197 miljard in 2020 en R54,197 miljard in 2021.
Die Land Bank, wat al van April 2020 af wanbetalerstatus het, het verskeie pogings aangewend om sy skuld te verminder en op ’n herstel-pad te kom, onder meer deur daadwerklik uitstaande skuld van boere in te vorder. Terselfdertyd is die toestaan van lenings, waaronder produksielenings, feitlik opgeskort.
