Die Regering het reeds R33 miljard betaal vir grond vir grondhervorming, aldus mnr. Gugile Nkwinti.
Die Regering het sedert 1994 al R33 miljard bestee om grond vir grondhervorming aan te koop, waarvan die herstel van grondregte hom die meeste gekos het.
Me. Ngwanamakwetle Mashabela, EFF-LP, het hierdie inligting van mnr. Gugile Nkwinti, Minister van Landelike Ontwikkeling en Grondhervorming, in ’n parlementêre vraag versoek.
Tussen 1994 en 2016 is altesaam 2 033 199 hektaar grond aan swart begunstigdes van restitusie oorgedra, 1 979 966 hektaar is oorgedra via die staat se strategie van grondverkryging (Plas), 1 160 065 hektaar is via die grondherverdelingsprogram vir landbou-ontwikkeling oorgedra, en altesaam 698 226 hektaar is oorgedra via Vestigings-/Grondverkrygingstoelaag (SLAG).
