Die fel aanslag op renosters in Suid-Afrika duur onverpoos voort nadat nóg een ernstig deur stropers gewond is.
’n Renoster is ernstig deur wildstropers op ’n plaas naby Tzaneen, Limpopo, gewond, het die polisie vandag (Donderdag) gesê.
‘‘Die boer het Woensdag op die renoster afgekom, so ons dink die skietery het Dinsdagaand plaasgevind,’’ het kol. Mohale Ramatseba, polisiewoordvoerder, volgens Sapa gesê.
Die stropers het gevlug nadat die skote afgevuur is.
Meer as 140 renosters is reeds vanjaar van kant gemaak.
5 Mei 2011
