Die landboubedryf is met die hande in die hare oor die modus operandi van veediewe wat kleinvee op die toneel slag voordat die karkasse na ’n spesifieke afsetgebied vervoer word.
Dit maak dit moeiliker om sake op te los omdat enige vorm van identifikasie wat op die vee was, op die plek agterbly waar die diere geslag is.
Dié tipe veediefstalvoorvalle maak nagenoeg 20% van alle voorvalle in die Vrystaat uit, sê dr. Jane Buys, landbourisiko-ontleder van Vrystaat Landbou.
