Mierhoop op P., Tvl., skryf: Ek het altyd gedink dat By die Opsitkers ’n rubriek is waarin ons jong mense oor en weer gedagtes kan wissel. Nou het dit in ’n blote man- en vrousoekery ontaard. Ek is glad nie nougeset nie. Ek weet ook wat eensaamheid is.
Maar waarom moet die jong mense hulself so belaglik maak deur al hul hoedanighede te adverteer? Is daar nie baie ander maniere om jong mense te ontmoet nie? Dit is veral jong boertjies wat te lui en gemaklik geword het om vir hulle ’n vrou te soek.
Hulle sit ewe gemaklik daar op die plaas, kyk die foto’s van die nooiens wat aan hulle geskryf het deur, en besluit oplaas dat die nooi met die mooiste gesiggie voorkeur sal kry. Of dié aster kan kosmaak, maak geen snars saak nie. Nee, a, boere.
