Die terminale is nou gereed om terug te keer na die beplande bedryfsaktiwiteit voor die staking begin het. Vanaf 1 November sal alle vraghouervaartuie vasgemeer word in ooreenstemming met die skedules van voor die staking en alle vraghouers sal verwyder word binne die tydgleuf vir gratis opberging.
Die maatskappy het force majeure afgekondig tydens die staking toe hy nie sy kontraktuele verpligtinge kon nakom nie en bedrywighede by dele van die terminale afgeskaal moes word.
TPT het sy kliënte op 21 Oktober ingelig dat die force majeure wat hy in die motor-, grootmaat- en veeldoelterminale verklaar het, met onmiddellike effek opgehef is.
TPT bedank al sy kliënte en die wyer bedryf vir hul steun in dié tydperk, asook sy werknemers wat die afgelope weke hard gewerk het om die agterstand uit te wis.
Die staking by Transnet het sowat 11 dae geduur.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
