Daar word verwag dat die SA Transport & Allied Workers’ Union (Satawu) vandag by die staking sal aansluit. Die staking volg nadat verlede Woensdagaand nie ’n loonooreenkoms met die United National Transport Union (Untu) bereik kon word nie. Transnet-haweterminale moes as gevolg daarvan ’n force majeure vir die Durban-, Ngqura-, Gqeberha- en Kaapstadhawe verklaar.
Luidens ’n verklaring deur Transnet sal die kommissie vir versoening, bemiddeling en arbitrasie vandag ’n vergadering van Transnet se bedingingsraad en die betrokke vakbonde bywoon ten einde die loondispuut op te los.
“Transnet hou aan om met die georganiseerde arbeid in gesprek te tree en ’n minlike ooreenkoms te vind vir die voortslepende staking, wat nie net ’n aansienlike nadelige impak op ons personeel en maatskappye gehad het nie, maar ook die ekonomie. Ons hoop dat die vergadering die partye nader aan mekaar sal bring om ’n ooreenkoms te vind wat die behoeftes van die werkers met die beskerming van Transnet se volhoubaarheid sal beskerm.”
Transnet sê salariskoste is tans meer as 66% van sy totale bedryfskoste, wat nie ’n volhoubare syfer is nie. “Ons oorhoofse doelwit is om belegging en groei aan te spoor, wat die enigste manier is om huishoudelike finansiële onsekerheid volhoubaar te verminder. Dit sou meer Suid-Afrikaners die geleentheid gee om te werk in ’n dinamiese, groeiende ekonomie.
“Ons moedig werkers en vakbondleiers aan om die aanbod wat op die tafel is, ernstig te oorweeg.”
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
