Die beste trekkerverkope in ‘n Januarie die afgelope 30 jaar is vanjaar aangeteken toe 790 trekkers verkoop is.
Die trekkerverkope van 790 eenhede in Januarie is byna 85% hoër as die verkope van 428 eenhede wat in Januarie verlede jaar aangemeld is, sê mnr. Lane Reynolds, voorsitter van die SA Landboumasjinerie-assosiasie.
Reynolds sê dit is die hoogste verkoopsyfer vir ‘n Januarie sedert 1982. Stroperverkope van 13 eenhede in Januarie is aansienlik meer as die 10 eenhede wat verlede Januarie verkoop is.
Fundamentele aspekte in die mark bly gunstig. Somergewasse in die meeste gebiede lyk goed, maar reën is noodaaklik in die volgende vier weke sodat die volle potensiaal van die gewasse behaal kan word.
Volgens huidige skattings vir trekkerverkope vir die 2012-kalenderjaar, sal verkope tussen 6 600 en 7 100 eenhede wees, sowat 5% tot 10% laer as verkope in 2011.
7 Februarie 2012
