Dié gemeenskappe loop in besonder deur onder misdaad. Die geld sal onder meer aangewend word vir die oprigting van kamerastelsels om nommerplaat-identifikasie te bewerkstelling in die Smithfield- en Graaff Reinette-omgewings.
Die kamerastelsels sal toegangspaaie monitor en weens die afskrikwaarde daarvan bydra tot die beveiliging van landbouers en plaaswerkers. Die monitering van voertuigbeweging sal ook bydra om die stryd teen veediefstal te verskerp. Inligting oor verdagte voertuie en persone wat deur die stelsel verkry word sal die gemeenskap in staat stel om binne bestaande landelike beveiligingsprosedures optrede te beplan.
’n Herhaler sal in die Reitz-distrik opgerig word, en radio’s sal aangewend word om teenmisdaadaskies te help koördineer in die Bothaville-distrik. Onvoldoende kommunikasie kniehalter die voorkoming van misdaad en die koördinering van landelike beveilingsoptrede. Die voorsiening van ’n herhaler en handradio’s sal die probleem oplos en lei tot meer doeltreffende noodkommunikasie en die bespoediging van beveilingsoptredes.
“Met konstruktiewe optrede bly die trustfonds verbind om daartoe om ’n veiliger landelike-omgewing daar te stel sodat landbouproduksie kan voortgaan en werksgeleenthede ontwikkel kan word. Hoewel die misdaadprobleem kompleks en moeilik is om op te los, vertrou ons dat die geldelike hulp sal bydra om die landbou as ’n bate te help beskerm”, sê mnr. Japie Grobler, voorsitter.
Die Trustfonds gee erkenning aan sy sakevennote: Vodacom, Nissan SA, Sanlam, CrisisOnCall en sy borge, Afgri, GWK, Senwes, NWK en OFM, wat op verskeie vlakke van die Trustfonds ’n bydrae lewer.
