Een van die gevalle is by Marquard, terwyl die ander twee by Viljoenskroon is. Die betrokke plase is onder kwarantyn geplaas nadat staatsveeartse van moontlike tekens van die siekte in kennis gestel is. Die diere op die plase het tipiese tekens van die siekte getoon.
Bek-en-klouseer is bevestig op een van die plase wat in Viljoenskroon ondersoek is. Ondersoeke gaan voort om die bron van dié uitbreking te bepaal.
Daar word steeds op bevestiging vir die diere op ander plaas by Viljoenskroon gewag. Dié plaas se eienaar het vermoedelik diere van sy ander plaas in Noordwes na sy plaas in die Vrystaat gebring.
Nxangisa sê veeartse is byderhand om die verspreiding van die siekte in die provinsie te stuit. Volgens hom is al die uitbrekings van bek-en-klouseer in die provinsie weens ’n uitbreking wat aanvanklik gedurende Maart in Noordwes aangemeld is.
Hy moedig boere aan om diere nie te skuif of op veilings te koop nie. “Boere moet oplettend wees en enige tekens of simptome van die siekte by die staatsveeartse aanmeld.”
