Die verpligte diensjaar vir afgestudeerde veeartse is een van die sake wat op die jongste vergadering van die Nasionale Dieregesondheidsforum bespreek is.
Die veeartse se eerste diensjaar het vroeg vanjaar begin en volgens die RPO is daar tot dusver geen klagtes ontvang nie. Een van die groot voordele van die diensjaar is dat veeartse nou blootstelling kry aan gebiede wat voorheen nie moontlik was nie.
Aansoeke vir die verpligte diensjaar in 2018/’19 is reeds ontvang. Die Direktoraat Dieregesondheid het besluit om die studente reeds tydens hul vyfde studiejaar te plaas sodat hulle hulself kan voorberei op hul verpligtinge.
Dit het ook op die vergadering geblyk dat daar al ver gevorder is met ’n entstof teen snotsiekte. Die dieregesondheidsforum wil graag sien dat die proses bespoedig word. Die onwettige slag van donkies vir uitvoerdoeleindes is ook bespreek.
Hierdie berig is deur die RPO geskryf en verskaf. Rig navrae aan die RPO by 012 349 1102, of per e-pos by rpo@lantic.net. Webwerf: www.rpo.co.za.
