Mnr. Thandayiphi Thabethe (39) het gister die eerste keer in dié hof verskyn nadat hy op Dinsdag 14 Februarie in hegtenis geneem is.
Kol. Adéle Myburgh, polisiewoordvoerder, sê verkeersbeamptes het ’n vragmotor by Bodibe Village naby Itsoseng voorgekeer. Die bestuurder is gevra om sy rybewys te toon, wat hy nie kon doen nie.
Daarna is hy beveel om die agterkant van die vragmotor oop te maak. Hy het baie aggressief geraak. Die ander twee insittendes in die vragmotor het gevlug.
Die polisie is na die toneel ontbied en het die vragmotor vergesel na die Itsoseng-polisiekantoor. Toe die agterkant van die vragmotor oopgemaak is, is 57 bokke en 27 skape daarin gevind. Die bestuurder kon nie verduidelik waar die diere vandaan kom nie en het ook nie ’n permit vir hulle gehad nie. Hy is in hegtenis geneem en daar is beslag gelê op die diere en die vragmotor.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
