Die meester van die hof het volgens die ingeligte in die betrokke “unieke geval waar ’n hofbevel reeds van krag is”, nie die magte om die veiling stop te sit nie.
Van der Merwe skuld meer as R90 miljoen aan die Land Bank en het sedert 2021 ’n ingewikkelde en onsuksesvolle hofstryd teen die Land Bank en die likwidateurs en trustees gevoer om sy boerderye te probeer red.
Intussen het Shanie Taljaard, Van der Merwe se lewensmaat, en haar Curo Consulting Dinsdag (28 Maart) met die Land Bank, die likwidateurs en trustees ooreengekom dat hul jongste interdikaansoeke om die veilings te stuit van die rol geskrap word en dat sy hul regskoste op ’n bestrawwende skaal betaal. Die Land Bank en die likwidateurs oorweeg ook om ’n bevel te vra dat Taljaard se prokureurs persoonlik vir regskoste verantwoordelik gehou word.
