Verkope vir die 11 maande van die jaar tot dusver is nou 3% laer as verkope vir die ooreenstemmende tydperk verlede jaar. Stroperverkope van 11 eenhede in November was een eenheid minder as die 12 eenhede wat verlede November verkoop is. Vir die jaar tot dusver is stroperverkope nou ongeveer 4% laer vergeleke met dieselfde tydperk verlede jaar.
Hoewel die seisoen vir somergewasse redelik laat begin het en reën net kol-kol geval het, kon die meeste boere aanplantings doen. Die groei van die gewasse sal nou afhang van voortgesette reën tot aan die einde van Februarie, sê mnr. Wynn Dedwith, voorsitter van die SA Landboumasjinerie-assosiasie.
Met die herstel van die mielieprys oor die afgelope weke is algemene sentiment in die mark steeds versigtig optimisties. Beramings in die bedryf is onveranderd en die algemene mening is dat verkope vir 2014, vergeleke met die vorige jaar, ongeveer 5% laer sal wees.
