Skatryk Viëtnamese burgers kry deels die skuld vir die probleme met renosterstropery omdat renosterhoring in dié land net so gewild soos duur motors en ander luukse items is.
Die Suid-Afrikaanse regering het vandeesweek vir groter samewerking met die Viëtnamese regering gevra weens die skokkende aantal renosters wat reeds vanjaar doodgemaak is.
Volgens ’n berig op News24 neem die gewildheid van renosterhoring by die dag meer in Viëtnam toe. Daar word geglo dat renosterhoring enigiets van hoofpyn tot kanker kan genees.
Duurder as kokaiëne
Renosterhoring verkoop nou in dié land vir meer geld as kokaiëne. Hoewel renosters in die 1970’s op die randjie van uitwissing was, is dit gered met die hulp van bewaringsprogramme.
Die afgelope paar jaar is dié diere egter opnuut in gevaar met meer en meer renosters wat veral in Afrika op wrede maniere doodgemaak word.
Die Viëtnam het daarin geslaag om sy eie renosterbevolking uit te wis. Die laaste renoster in dié land is in 2010 in ’n nasionale park gevind. Dié dier is deur sy bene geskiet en sy horing is afgesaag.
Tussen 2006 en 2008 is drie Viëtnamese diplomate by hul ambassade in Pretoria verbind met renosterhandel-skandale. Een van dié diplomate is in ’n inkriminerende voorval op video betrap.
Bron: News24
4 April 2012
