Kapt. Frederick van Wyk, polisiewoordvoerder, sê die 43-jarige verdagte, wat ’n werknemer op die plaas was, is op Vrydag 13 Januarie in hegtenis geneem.
Die plaasbestuurder het verdagte transaksies deur die verdagte glo in November 2021 onder die direkteur van die plaas se aandag gebring.
Ná ’n voorlopige ondersoek is ’n ouditeursfirma betrek om ’n oudit van 2019 tot 2021 te doen. Dié oudit het bevind dat die verdagte meer as 400 transaksies gemaak het waartydens meer as R11 miljoen van die plaas se sakerekeninge in haar persoonlike rekening oorbetaal is.
Die verdagte verskyn vandag in die Wellington-landdroshof.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
