Die departement van water en sanitasie het op 22 November verlede jaar ’n voorgestelde beleid oor toegang tot water- en sanitasiedienste op private grond vir kommentaar bekend gemaak en hou ook op verskeie plekke in Suid-Afrika vergaderings vir openbare raadpleging daaroor.
Swart het só ’n vergadering op 2 Februarie in Oudtshoorn bygewoon en ná die tyd aan Landbouweekblad gesê hy ondersteun die beginsel ten volle dat elke mens toegang moet hê tot water en basiese sanitasie en dat baie boere dieselfde voel.
Daarom was dit vir hom jammer dat daar mense op die vergadering was wat die indruk wou wek dat private grondeienaars sulke dienste van plaasbewoners weerhou.
