In die eerste sessie sal boere, plaaswerkers en nie-regeringsorganisasies van die Weskus op Piketberg saamtrek om hul insette oor die konsepbeleid te lewer.
Die konsepbeleid oor water- en sanitasiedienste op private grond is onlangs in die Staatskoerant afgekondig na aanleiding van ’n hofbeslissing van die hof wat gelas het dat “die aanhoudende versuim om plaaswerkers/-bewoners en arbeidshuurders, wat binne gebiede van hul jurisdiksie woon, van toegang tot basiese sanitasie te voorsien, (asook) voldoende water en verwydering van vullis, is strydig met die Grondwet van die Republiek van Suid-Afrika.”
Verder sluit die versekering van die voorsiening van waterdienste aan inwoners op grond in private besit ’n wye reeks aktiwiteite in waarvan heelwat regeringsbeleid vereis.
Die hofbeslissing het daartoe gelei dat munisipaliteite hulself moes toerus om beplanning en verordeninge te verander en gesinne wat op private grond – insluitend plase – woon, in ag te neem wanneer hulle dienste soos water, sanitasie en vullisverwydering verskaf.
Die openbare sessies is soos volg ingedeel:
• 31 Januarie by Piketberg-gemeenskapsaal (Weskus).
• 2 Februarie by Surval Boutique Olive Estate, Oudtshoorn.
• 3 Februarie by Cumberland Hotel, Worcester.
Al die sessies is geskeduleer om 10:00 te begin.
Belanghebbendes wat die konsultasies wil bywoon, moet hul bywoning bevestig deur ’n e-pos op of voor 29 Januarie aan xulubanak@dws.gov.za te stuur.Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
