Mnr. Johan Reyneke se gemiddelde opbrengs was konstant, plaagbestryding is goedkoper en boonop besproei hy nou 50% minder as toe hy destyds konvensioneel geboer het. En oor die gehalte van sy wyn kan daar nie gedebatteer word nie.
Hoewel sy totale opbrengs met gemiddeld 1 t/ha gedaal het sedert hy rondom die eeuwending eers die organiese en later biodinamiese roete ingeslaan het, is die boerdery baie meer winsgewend.
“Ons het beheer geneem van ons produksiekoste deur in ons eie behoeftes te begin voorsien.”
