Vir KarooOutdoor is plaasveiligheid en probleemdierbestuur ’n sleutelfaktor in voedselsekerheid. Met plaasaanvalle, vandalisme en diefstal van plaastoerusting wat toeneem, is dit noodsaaklik vir die boer om ’n toestel aan te skaf waarmee hy snags doeltreffend kan sien wat op sy plaas aangaan. Pulsar se termiese teleskope en handtoestelle word tans gereken as die beste opsies kommersieel beskikbaar.
Vir beveiliging is gehalte nie onderhandelbaar nie en die Pulsar-reeks termiese produkte het reeds menige boer en plaaswag suksesvol bygestaan om verdagtes op te spoor en ook moontlike aanvalle af te weer. Jou diere loop ook die gevaar om deur probleemdiere gepla te word en hiervoor bied Pulsar die Thermion 2 XP50 LRF PRO. Hierdie teleskoop word suksesvol deur boere ingespan om hul kuddes teen jakkalse en ander roofdiere te beskerm.
Sien snags
Pulsar bied met sy reekse produkte wat nagsig bied. Dié toestelle neem diere en mense se hitte waar deur middel van die nuutste sensortegnologie wat in Europa ontwikkel en vervaardig word. Waarnemingafstande van 1 300 m tot 1 800 m is ter sprake. Die afstand hang af van watter model gebruik word en die nagtoestande. Die Pulsar-reeks van uitsonderlike gehalte word ontwikkel en vervaardig in Europa met die nuutste tegnologie, wat dit van die bestes op die mark maak.
Indien ’n boer oorweeg om ’n termiese nagsigtoestel aan te skaf, moet hy kyk na die beeldgehalte. Dit is noodsaaklik dat hy bedreigings akkuraat identifiseer. Die betroubaarheid van die sensor, batterylewe en ook die afstand waarop die toestel hitte kan waarneem, is belangrike oorwegings. Toestelle met interne batterye is nutteloos as die batterye ingee. Hier troon Pulsar met sy herlaaibare eksterne batterye uit bo die res. Sommige Pulsar-toestelle het ook afstandmeters wat nuttig te pas kom. Alle Pulsar-toestelle kan video’s en foto’s neem en het ook ’n WiFi-funksie wat saam met ’n slimfoon werk.
Klik en koop hier
Vir die mense van KarooOutdoor is Pulsar- termiese nagsigtoestelle eerder ’n noodsaaklikheid as ’n luuksheid. Hulle glo boere kan deesdae nie daarsonder nie. KarooOutdoor is ’n aanlyn besigheid wat in die Overberg, Wes-Kaap, gesetel is, maar jag- en buitelugtoerusting landwyd aflewer. Die meeste bekende handelsmerke in teleskope, verkykers, termiese of nagsigtoerusting, afstandmeters, knaldempers en bybehore is aanlyn by KarooOutdoor.com beskikbaar. Wêreldklas-intreevlaktoestelle is beskikbaar, asook die beste-van-die-reeks toestelle. Alle Pulsar-produkte het ’n driejaarwaarborg met plaaslike tegniese ondersteuning.
Aanlyn bestellings is maklik en veilige afbetalingsopsies is beskikbaar. Vir Pulsar-produkte kan KarooOutdoor gekontak word vir ’n kwotasie en vandaar word gewone banktransaksies (EFT’s) gedoen. Alle pryse sluit BTW in. Met bestellings van R2 000 of meer is aflewering gratis na enige geldige adres. Dit word deur ’n betroubare koeriermaatskappy gedoen.
Die wenspan
Met meer as vyf jaar se uitstekende diens is KarooOutdoor die vinnigste groeiende aanlyn jagtoerustingwinkel. KarooOutdoor kies handelsmerke en verskaffers wat die beste tegniese ondersteuning en advies kan verskaf, veral jagteleskope en vir skuts wat langafstandskiet ernstig opneem. Mnr. Etienne du Plessis is aan die stuur van sake en ook mede-eienaar van KarooOutdoor. Sy ondervinding van meer as 20 jaar in die landboubedryf as besigheidsbestuurder en sy klem op diens sal verseker dat daar nog ’n lang toekoms vir KarooOutdoor in Suid-Afrika voorlê.
