Taai en weerstandbiedende gras- en breëblaaronkruide kan mielieopbrengste ‘n knou gee, maar dit is waar Yamato® sy staal toon. Met sy unieke chemie bied dié produk doeltreffende bekamping van ‘n verskeidenheid onkruidsoorte in talle grondtipes, met aanpasbare voor- en ná-opkomstoedieningsopsies.
Weerstandbiedende gras- en breëblaaronkruidsoorte bly ‘n probleem vir mielieboere in hulle soeke na doeltreffende bekamping van onkruidmededinging in mielielande. Plaaslike navorsingsproewe het getoon dat Yamato® veilige gewasbeskerming bied en hoogs aanpasbaar toegedien kan word na gelang van elke boer se spesifieke behoeftes.
Die toename in weerstandbiedende onkruidsoorte het die afgelope paar seisoene aansienlike verliese by verskillende gewasse veroorsaak. Die aanpasbaarheid van taai en weerstandbiedende onkruidsoorte in verskeie produksiegebiede laat ‘n groot hoeveelheid sade agter wat uiteraard 'n impak op die volgende seisoen sal hê.
Unieke chemie
Vanuit ‘n tegniese perspektief inhibeer piroksasulfoon onkruid vroeg in die ontkiemingsproses. Dit word hoofsaaklik deur die hipokotiel en koleoptiel opgeneem en tweedens deur die wortels van die onkruidsaailinge.
Verskeie plaaslik-beproefde kombinasies met ander geregistreerde middels bied Suid-Afrikaanse mielieboere nou bewese opsies vir veilige, langwerkende onkruidbekamping. Boonop het Yamato®, aangedryf deur AZEEV Technology, talle uitnemende voordele. Die produk is onder meer geskik vir bykans alle grondtipes, ongeag die klei-inhoud, en is veilig om voor en selfs ná-opkoms by mielies toe te dien.
Yamato® gebruik 10 tot 20 keer minder aktiewe bestanddeel as ander soortgelyke, vergelykbare produkte (byvoorbeeld, 1 liter geformuleerde produk kan 5-10 hektaar behandel).
Boonop loog Yamato® min uit en die produk bly langer in die boonste laag van die grond waar gras en breëblaaronkruid gewoonlik. Sodoende word beduidend langer nawerking bestellig. Dit alles lei tot bykomende voordele en besparings in opbergplek, vervoer en ander koste.
Betroubare gewasveiligheid
Uitgebreide proewe in Suid-Afrika en verskeie ander lande toon dat Yamato®-tenkmengsels en spruitprogramme met Yamato® wat volgens etiket-aanbevelings gekombineer word, uiters betroubaar is wat gewasveiligheid aanbetref.
Weens die uiteenlopende groeitoestande in die verskillende streke van Suid-Afrika en die voorkoms van diverse gras- en breëblaaronkruidsoorte en kombinasies daarvan, beveel Philagro se tegniese personeel tans altesaam 14 moontlike produkkonsepte met Yamato® as die ankerproduk aan. Die kombinasies is spesifiek ontwikkel vir streke met verskillende klimaattoestande en sones, met spesifieke weerstandbiedende en moeilik beheerbare onkruidsoorte in gedagte.
Yamato® se breëspektrumbeheer bied boere ‘n bewese metode om hardnekkige onkruid te bekamp. Skoon lande dra uiteraard altyd by tot gesonde gewasse en groter opbrengste.
Yamato® is beskikbaar deur Philagro se landwye handelaarsnetwerk, AECI Plant Health en Laeveld Agrochem (LAC).
Bennie Buys is produkbestuurder: Onkruiddoders Philagro SA
Yamato® 480 SC (Reg. nr. L10746, Wet nr. 36 van 1947) bevat piroksasulfoon, skadelik. Yamato® is die geregistreerde handelsmerk van Kumiai Chemical Industry Co., Ltd, Japan.
