Om jou grond te ken moet jy daarin boor, die diepte, kleur en tekstuur openbaar en monsters neem. Johnson-grondawegaars en -monsternemers word gemaak om hierdie doelwitte in die moeilike Afrika-toestande te bereik.
Johnson voorsien Suid-Afrika al 49 jaar lank van hierdie handgereedskap. Gedurende hierdie tyd het hy sy ontwerpe en gehalte verbeter en ’n klein reeks internasionale standaard-awegaars en monsternemingsgereedskap die lig laat sien.
Johnson het awegaars ontwikkel om die moeilike grondtoestande wat in die ietwat droë, semi-onvrugbare streke van Suid-Afrika ervaar word, te bowe te kom en daarin te presteer. As sodanig produseer Johnson taaier en meer slytbestande gereedskap as sy internasionale mededingers. Nie net dit nie, sy pryse is ook veel laer.
Gereedskap vir alle doelwitte en toestande
Johnson-bakkiesawegaars word gebruik vir boor en monsterneming in droë en verdigte grond. Dié gereedskapmaatskappy vervaardig ook ’n oopkant-bakkiesawegaar wat ideaal is vir klam, kompakte toestande.
Die grawe van paalgate word makliker gemaak met Johnson se 150 mm-paalgat-awegaar.
Sy Nederlandse awegaars is ideaal vir klam, nat en kleigrond en is dieselfde beproefde ontwerp wat in Holland ontwikkel is waar hierdie grondtoestande heers.
Johnson-bakkieawegaars vervaardig ook die Beater-snelmonsternemer wat ontwikkel is deur die Suid-Afrikaanse Suikervereniging vir veldvrugbaarheidmonsterneming. Hierdie vernuftige eenheid met ’n stuurstangraamwerk het ’n taps-vasgeboute, gemasjineerde 150 mm-grondpeilstif aan die onderkant met ’n grondmonstersak daaraan vasgeheg. As dit in die grond ingedruk word, onttrek die peilstif ’n grondkern wat in die grondmonstersak val wanneer dit onderstebo gedraai word. Die eenheid is dan gereed vir die volgende monster. Dit maak vinnige en akkurate meervoudige proefneming moontlik.
Die Johnson-grondpeilstif is ook beskikbaar wat ideaal is vir turf- en besproeiingsbestuurders en sorg vir vinnige, kleinkern-bogrondmonsters.
Meer as een doel
Johnson-grondawegaars is ’n boer se regterhand vir:
- Doeltreffende grondmonsterneming.
- Grondklassifikasie.
- Profielinspeksie.
- Die grawe van paalgate.
- Watertafelstudies.
- Grondvogbepaling.
- Boomsaailinggate.
- Inspeksie van grondverdigting.
- Pasmaakbehoefte wat die boer het.
Johnson-grondawegaars het verskeie voordele, wat ’n belegging in hierdie toerusting die moeite werd maak. Van hierdie voordele is:
- Dit kan deur een persoon hanteer word.
- Dit is draagbaar.
- Dit is ideaal om vinnig en maklik oor 5 meter te boor.
- Dit het ’n reeks gereedskap en gereedskapstukke vir verskillende gebruike.
- Dit is hoogs doeltreffend.
- Dit is duursaam.
- Dit hou lank.
- Dit is ideaal vir die vinnige neem van grondvrugbaarheidsmonsters.
