Die La Niña-weerstelsel wat die afgelope drie jaar in Suid-Afrika heers, het swaar reën tot gevolg gehad, terwyl die voorspelde El Niño-stelsel tot ongekende hoë tempe- rature kan lei. Daarbenewens moet boere ook ander krisisse, soos beurtkrag, trotseer wat produksie kniehalter.
Hierdie probleme kan ’n groot impak op boerderye se ekonomiese volhoubaarheid hê. Indien finansiële probleme op ’n boer se horison is, moet hy so gou moontlik by Farm Rescue aanklop om hulp.
Farm Rescue se doel is om Suid-Afrikaanse boere by te staan met hul finansies, regsake en bedryfsraad. Buiten onvoorspelbare weerstoestande is daar ander probleme wat ’n boerdery onder geweldige druk kan plaas. Farm Rescue het al met die volgende omstandighede gehelp:
- ’n Boer wat besef het sy oes gaan misluk en dat hy daarom nie sy finansieringsverpligtinge sal kan nakom nie.
- ’n Boer wat terminaal siek is en wie se boerdery agteruitgegaan het. Hy het finansiële, regs- en oorgangsadvies nodig gehad. Farm Rescue se ook oorgangsadvies help die boer om sy besigheid suksesvol na die volgende geslag oor te dra. In dié geval was die boer bekommerd omdat die seun wat by hom moes oorneem, net 15 jaar oud was. Farm Rescue gaan die seun bystaan tot op die ouderdom wat sy pa bepaal het hy reg sal wees om die boerdery oor te neem.
- Waterskade by kontantgewasse vanweë swaar reën, wat veroorsaak het dat die boer nie sy finansieringsverpligtinge soos oorspronklik saamgestel is, kon nakom nie.
- ’n Plaas in die vloedvlakte van ’n rivier het skade gely weens oorstromings en kon nie sonder herstrukturering sy bankverpligtinge nakom nie.
- ’n Boer het borg gestaan vir sy seun se boerdery en is aanspreeklik gehou vir dié se skuld. Sonder presiese finansiële en regsbeplanning kon hy alles verloor waarvoor hy sy lewe lank gewerk het.
- Transnet se staking en waterskade by tafeldruiwe maak dit baie moeilik vir boere om hul finansieringsverpligtinge na te kom.
- ’n Boer is geteister deur droogtes en sprinkaanskade by weidings en moes sy veegetalle verminder. Nou is hy in ’n finansiële penarie.
Só werk Farm Rescue
Farm Rescue begin met ’n konsultasie om die boer se finansiële en persoonlike posisie te verstaan, hetsy jy in jou persoonlike naam, ’n trust of vennootskap boer. Daarna sal die beste moontlike oplossing gebied word. Daar is addisionele hulp beskikbaar indien die persoon in ’n maatskappy of ’n beslote korporasie boer.
Selfs as daar ’n likwidasie-/ sekwestrasie-aansoek teen jou of jou entiteit is, kan Farm Rescue help. As jy reeds gelikwideer of gesekwestreer is, kan Farm Rescue ook hulp verleen.
Farm Rescue se spesialiste bestuur die boer se situasie deurentyd, en sy vergoeding sal nooit meer wees as wat die koste sou wees indien hy nie betrokke was nie.
Hulpfonds
Farm Rescue het ook die ondersteuning van Farm Rescue Assistance Fund, ’n organisasie sonder winsoogmerk. Sy doelwit is om:
- Boere wat uitermate hoë regskoste ervaar en ’n wenbare stryd teen ’n finansiële instelling het, by te staan sodat hulle nie hul saak verloor bloot omdat hulle nie geld vir regskoste het nie.
- Stroper-/bewerkingsdienste teen kosprys aan boere te verskaf wat in nood is om te plant of te stroop.
- Kontrakteurdienste teen kosprys te verskaf.
Besoek die webblad Farmrescue. co.za om te sien wie Farm Rescue se vennote is en vir meer inligting.
