Green House Construction is in Heidelberg, Gauteng, gesetel en spesialiseer in staalkonstruksies van uitnemende gehalte en formaat. Die maatskappy met sy 29 jaar ondervinding, kundigheid en vaardigheid, is ten volle toegerus om megastaalkonstruksieprojekte aan te pak.
Green House Construction bied professionele dienste wat ingenieursontwerp, 3D-tekeninge en modulering insluit. Die maatskappy doen ook self die vervaardiging, vervoer en oprigting van sy strukture.
Mnr. Riaan Bezuidenhout, eienaar van Green House Construction sedert 1996, beskryf sy handewerk as volg: “Megastrukture vir Megaboere. Ons bied 40 m-vryspanstrukture. Ons doen doelmatige ontwerp en vervaardiging. Toekomstige uitbreiding vorm deel van die huidige ontwerpbehoefte. Die integriteit van huidige struktuur word dus nie ingeboet deur toekomstige beplanning en uitbreiding nie.”
Konsepbeplanning en ontwerp
Green House Construction doen professionele strukturele en siviele ontwerp. Hy bied deeglike beplanning en volgehoue kommunikasie tydens die ontwerp van 3D-tekeninge en model. Die maatskappy verkies dat toekomstige kliënte sy kantoor en vervaardigingsaanleg besoek.
Aflewering
Green House Construction werk landwyd en in ander Afrika-lande.
Struktuurinligting
Binnemaat – 40 m-vryspankonstruksie;
Struktuurontwerp verleen uitbreiding en verdubbeling na ’n 80 m-gebou;
Struktuurkolom-intervalle is 7,3 m op sy kante;
Voldoende toegangspasie vir moderne landboutoerusting;
Hoogte – volgens kliënt se behoefte; en
Enige ander grootte kan ook ontwerp en vervaardig word.
Voordele van struktuur
Die dak van die struktuur word so ontwerp dat die helling van 5° optimaal vir sonkragpanele benut kan word.
Die konstruksie is ontwerp vir die bykomende 16 kg/m²-dakbelasting. Dit bied hoogte, natuurlike ventilasie, natuurlike lig, isolasie, stormwaterbestuur en dit is ’n ekonomiese industriële ontwerp.
