Oor die jare het die mense by Kynoch baie kennis oor die verskillende plantvoedingstowwe opgebou. Vandag word daar nie net na voedingstowwe en hul toedieningshoeveelhede gekyk nie, maar ook na die doeltreffendheid van die produk en hoe dit die gewas se produktiwiteit verbeter. Hierdie verhoogde doeltreffendheid in die gewas sal lei tot beter winsgewendheid vir die produsent.
Pasmaak-produkte
Geen twee gewasse het dieselfde voedingsbehoefte nie en om hierdie rede glo Kynoch aan gewasspesifieke produkte. Dit is omdat die voedingsbehoefte van byvoorbeeld mielies (gras) verskil van dié van sojabone (peulgewas) en sonneblom (oliesade), asook weidingsgewasse. Om die gewasspesifieke benadering verder te versterk is ook gewasspesifieke blaarvoedings ontwikkel.
By Kynoch word groot klem op die voldoende plantvoeding dwarsdeur die seisoen gelê aangesien gewasse se voedingsbehoefte in spesifieke groeistadiums verskil.
Met Kynoch se volledige reeks pasmaak-produkte kan die boer bemesting toedien volgens hierdie behoeftes en groeistadiums. Sodoende verseker Kynoch dat die plant kry wat hy nodig het, wanneer hy dit die nodigste het. Die gebruik van dié produkte kan die doeltreffendheid van die produsent se oes aansienlik verbeter, wat lei tot hoër opbrengste en groter winste.
Kundige hulp
Om die regte produk aan die boer te voorsien het Kynoch kundige ondersteuningspersoneel wat gereed is om die boer te help om kunsmisprodukte vir sy spesifieke behoeftes te vind.
Boonop het die boer gemoedsrus, omdat hy weet met Kynoch op sy plaas haal hy net die beste uit sy gewasse. Danksy Kynoch se verbintenis om elke boer jaar ná jaar van advies en ondersteuning te voorsien, is die produsent verseker van verbeterde doeltreffendheid in plantgehalte en opbrengspotensiaal.
Dit is omdat Kynoch omgee vir die boer. Of dit ’n kleinboer is of ’n kommersiële reus, sy oeste, opbrengste en winste is vir dié maatskappy van groot belang.
