Tegnologie vir presisieboerdery behoort nie net toeganklik te wees vir boere met die nuutste toerusting nie. Daar moet ook na die behoefte daarvoor van produsente met ouer toerusting omgesien word. Dit is presies wat Bayer se FieldView Yield Kit bied. Produsente met ouer werktuie kan daarmee vinnig variasies in veldprestasie ontleed om hul besluite aan te pas en opbrengs te verbeter.
“Ons streef daarna om FieldView versoenbaar te maak met soveel toerusting moontlik. Dit maak dus nie saak of jy ’n groen, blou, rooi of pers vloot het nie, want al die data kan in FieldView versamel word om vir die produsent ’n sterk agronomiese analise te gee,” sê mnr. Tiaan Venter, digitale aktiveringspesialis vir Bayer.
Hy sê in die verlede was presisieboerdery toeganklik aan boere wat reeds oor tegnologies gevorderde toerusting beskik het.
“Dit was net boere met die duurste, nuutste en beste toerusting wat met presisie kon boer. Met FieldView Yield Kit is dit ook nou beskikbaar vir die boer wat dalk nie heeltemal op daardie vlak is nie. Die Yield Kit is gebou om met ouer toerusting te integreer, soos jou ouer stroper. Jy kan dus steeds presisiedata inneem soos jy stroop.”
Oplossing vir 'n probleem
Dis egter nie net vir ouer toerusting wat die Yield Kit
van waarde is nie, dit is ook nuttig as ’n produsent net een van sy werktuie
daarmee wil toerus. Dit was die geval by CP Potgieter-boerdery in die distrik Delmas
in Mpumalanga. Venter het dié boerdery saam met die Landbouweekliks-span
besoek om uit te vind hoe hulle die FieldView Yield Kit gebruik.
Mnr. Pierre Labuschagne, hoofbestuurder van CP Potgieter-boerdery vertel dat hulle FieldView op al hul stropers gebruik.
“Dit werk 100% op dié stropers en was verenigbaar met die bestaande harnasse en alles wat daarin is. Ons het egter een stroper gehad met ’n elektriese fout wat vir ons probleme gegee het.”
Hulle het besluit dit gaan meer ekonomies wees om die Yield Kit op daardie stroper te installeer.
“Dit was maklik om te doen en hy het dadelik perfek gewerk,” sê Labuschagne. “Die stelsel is baie akkuraat en die inligting wat ons daaruit kry, is baie bruikbaar. Dit was ook maklik vir die operateurs om dit te leer gebruik. Ons kan almal inklim en sien wat aangaan, en dit gee ons ’n goeie oorsig van wat die opbrengs is.”
Venter sê hierdie is ’n goeie voorbeeld van hoe aanpasbaar die FieldView Yield Kit is by die boer se behoeftes.
Kry dit hier
Die FieldView Yield Kit is eksklusief deur Bayer verkrygbaar. Produsente wat reeds ’n FieldView-rekening het, kan dit by climatefieldview.co.za bestel. Of hy kan met sy naaste Bayer-agent gesels wat hom in kontak sal bring met die FieldView-span.
