MIRAVIS® Neo se trefkrag lê in die kragtige sinergie tussen sy drie aktiewe bestanddele wat rondom ADEPIDYN™, geregistreerde handelsmerktegnologie van Syngenta, geformuleer is. Geen ander mielieswamdoder op die Suid-Afrikaanse mark kan op ’n soortgelyke drieledige formulasie aanspraak maak nie.
ADEPIDYN™ is ’n nuwe karboksamiedgroep-chemikalie wat deur Syngenta ontwikkel en onlangs wêreldwyd bekend gestel is. Die grootste voordeel van ADEPIDYN™ is sy hoë vlak van intrinsieke aktiwiteit wat beteken MIRAVIS® Neo is hoogs aktief teen laer dosisse, lewer uitmuntende bekamping van siektes en lei tot gesonder mielieplante. ADEPIDYN™ word vinnig en doeltreffend in die waslaag van die mielieblaar opgeneem om ’n reservoir te vorm van waar dit stadig in die plant vrygestel en teen metaboliese afbreking beskerm word.
Hierdie kenmerk verseker verbeterde reënvastheid en nawerking teen siektes. Saam met ADEPIDYN™ bevat die MIRAVIS® Neo ook AMISTAR® en propikonasool, elk met sy eie metode van werking. As gevolg hiervan, pas MIRAVIS® Neo uitstekend in by ’n weerstandbestuurprogram.
Wanneer om MIRAVIS® NEO toe te dien
MIRAVIS® Neo is ’n voorkomende swamdoder wat ontwikkel is om mieliesiektes te bekamp en die mielie se fabriek te beskerm, en moet daarom op die regte tyd toegedien word. Die tipe siekte, infeksietyd, siektedruk en heersende omgewingstoestande is alles bepalende faktore. In gevalle waar twee of meer swamdodertoedienings die norm is, soos in besproeiingsgebiede of waar die siektedruk hoog is, moet ’n eerste toediening van AMISTAR® Top of MIRAVIS® Neo tydens die V5- of V6-groeistadium plaasvind.
’n Tweede toediening van MIRAVIS® Neo, rondom die V8- tot V9-groeistadium, sal die plant beskerm tydens die uiters belangrike V10- tot R1-groeistadium wanneer landbouchemiese toedienings ’n risiko vir gestremde kopsindroom (arrested ear syndrome) inhou.
In hoësiektedruktoestande word ARTEA® aanbeveel as ’n derde toediening. In gebiede met laer siektedruk waar ’n enkele toediening gewoonlik genoeg is, moet MIRAVIS® Neo tussen die V6- en V8-groeistadium gespuit word voordat infeksie plaasvind.
Hierdie drie-in-een-formulasie slaan swamsiektes aan alle kante hok en danksy betroubare gewasveiligheidkenmerke het produsente meer opsies wat toediening betref. Die veelsydigheid van MIRAVIS® Neo onder moeilike omstandighede verseker gewasprestasie wanneer dit die meeste vereis word.
Navrae: www.syngenta.co.za
