Hierdie plaas is gebou op ’n ryk familie-erfenis en met ’n passie vir boerdery. Só is die 230 ha-plaas vaardig ontwikkel tot ’n kommersiële sukses.
Boerderybedrywighede bestaan hoofsaaklik uit varsprodukteproduksie en ’n hoëgehalte-beesvoerkraal.
Varsprodukteproduksie
Die groenteproduksie-afdeling produseer verskeie soorte groente wat in tonnels, onder 14 ha skadunet en op 40 ha oop lande verbou word. Die plaas verskaf sy eie saailinge, wat in sy saailingkwekery geproduseer word. Alle geoeste groentegewasse word in ’n gemeganiseerde pakhuis in kartonhouers verpak.
Op die plaas word blaarslaai, komkommers, tamaties, soetrissies, broccoli, blomkool en spinasie gekweek.
Voerkraal
Die beesvoerkraal kan 5 000 speenkalwers hou. Dit is bekend om sy hoëgehalte-voerkraaldiere, gereed om vir afronding verkoop te word. Die opgebergde voer is nie by die koop van die plaas ingesluit nie.
Op die onderste gedeelte van die plaas is 12 ha pekanneutbome aangeplant langs ’n 50 ha-wildkamp met rooibokke, volstruise, waterbokke, springbokke en njalas.
Elke afdeling word bestuur deur ’n ervare span wat verseker dat die daaglikse aktiwiteite van die plaas glad verloop.
Hoe lyk die plaas?
Die plaas strek oor nege gedeeltes en kan as een eenheid of drie aparte gedeeltes verkoop word.
Gedeelte 1 is sowat 50 ha groot en word gebruik om verskeie soorte groente te kweek. Dit het 225 tonnels, elk 315 m², in onberispelike toestand. Agt van hierdie tonnels is toegerus as ’n saailingkwekery, en daar is ’n saailingvoorbereidingsarea. Daar is 10 ha ooplandboerdery onder besproeiing wat bestaan uit drup- en mikrostelsels.
Die pakhuis is sowat 2 800 m² onder dak, insluitend twee koelkamers waarvan die totale grootte 400 m² is. Daar is twee boorgate, albei getoets teen 100 000 liter/h, toegerus met 40 000 liter/h-pomp in boorgat 1 en 70 000 liter/h-pomp in boorgat 2. Die waterbron is twee sinkdamme en een betondam wat saam ongeveer 500 000 liter hou.
Gedeelte 2 is sowat 85 ha groot en word vir kombinasieboerdery gebruik.
Daar is 40 tonnels, elk 315 m², in onberispelike toestand. Die skadunetstrukture dek ’n oppervlakte van 14 ha. Die multispan-kweekhuise beslaan 1,8 ha. Die ooplandboerdery dek sowat 30 ha. Daar is ’n stoomketelhuisie om die tonnels in die winter te verhit en ’n besproeiingskema wat bestaan uit drup- en mikrostelsels. Op dié gedeelte is ’n voerkraal wat 5 000 beeste kan hou en beeshanteringsgeriewe met sorteerkrale. Die voerskuur is 2 600 m² onder dak. Daar is ’n melkportaal en twee pakkamers van 300 m² elk. Daar is ook ’n hoofkantoor wat uit vyf vertrekke bestaan, ’n weegbrug, ’n waterbron, vier boorgate en akkommodasie.
Gedeelte 3 is sowat 95 ha groot waarop pekanneute verbou word. Dit het ook ’n wildkamp. Die pekanneutboomboerdery is 12 ha groot – 2 ha is vyf jaar oud en 10 ha is een tot twee jaar oud. In die wildkamp van ongeveer 50 ha loop rooibokke, springbokke, volstruise, njalas en waterbokke.
Daar is ’n waterbron en ’n boorgat op dié gedeelte. Daar is ’n huis vir instandhoudingsbestuurder en ’n handelsaak vir nuwe en tweedehandse toerusting met ’n nuwe vertoonlokaal, kantore en werkwinkel. Die elektrisiteitsbron is 100% sonkrag. Die handelsaak word nie by die koop van die plaas ingesluit nie.
Tender-sluitingsdatum: Vrydag, 10 Junie om 12:00.
