Om te verseker dat die plaaslike produsent tuis voel wanneer hy met enige van sy handelsmerke te doen kry, sal onder die nuwe leierskap van mnr. Jacques Taylor die hoofklem bly van CNH Industrial.
Taylor het op 1 Oktober die stoel as besturende direkteur by CNH Industrial AG & CE oorgeneem. Hy neem met dié aanstelling verantwoordelikheid van die leiding en ontwikkeling van CNH Industrial se landbou- sowel as bouwerksegmente in Suider-Afrika.
“Hy sal ’n sleutelrol speel om voort te bou op elke afdeling se reeds uitstekende reputasie wat deur vorige bestuur en huidige besturende direkteure gevestig is,” sê CNH in ’n verklaring.
Met meer as 20 jaar se bedryfspesifieke ondervinding en verskeie leierrolle in hoëprofielposisies, bring Taylor sterk vaardighede en ’n uitstekende reputasie vir groot werksywer, spanleierskap en die bou van verhoudings saam met hom. Taylor is ’n kreatiewe strateeg en natuurlike leier, en het ’n indrukwekkende rekord om inkomste- en besigheidsgroeidoelwitte te bereik.
“Sy vermoë om die beste in sy span na vore te bring terwyl hy ’n gesonde en vriendelike werksomgewing skep, sal verder bydra tot die groei van die maatskappy en om ’n opbouende kultuur in die werkplek en in die mark kweek.”
Taylor het tot in September vanjaar die pos as besturende direkteur van Case IH beklee sedert die verkryging van die Suid-Afrikaanse verspreider Northmec deur CNH Industrial in Januarie 2021. Taylor se vroeëre ervaring sluit in die bank- en finansiële bedryf, waar hy verskeie direkteurs- en bestuursposte binne Standard Bank se landbou-afdeling beklee het, onder meer as hoof van die afdeling. Hierna het hy sy loopbaan in die landboutoerustingbedryf in Afrika en Europa begin.
Sy bewese getuigskrif as kenner in die landboubedryf maak Taylor die ideale mens om die maatskappy se posisie as ’n markleier in trekkers en stropers te versterk, en ook die presisielandbou-tegnologieplatforms uit te brei.
Volgens Taylor sal deurlopende klem geplaas word op naverkope-ondersteuning en die krag van handelaarsnetwerke.
CNH Industrial is genoteer in New York en Italië aandelebeurse. Hy het meer as 63 000 mense wêreldwyd in diens en is in 180 lande teenwoordig.
In Suider-Afrika word die maatskappy verteenwoordig deur sy vooraanstaande toerustinghandelsmerke, waaronder Case IH en New Holland Agriculture. Sy namarkonderdele-afdelings word deur Landboupart en NHSA verteenwoordig. Die bouwerksegment bestaan uit die handelsmerke Case Construction en New Holland Construction.
