Uit die aard van hul bedrywighede verstaan boere klimaatswisselvalligheid in hul onmiddellike omgewing baie goed. Klimaatsverandering vereis dat hulle moet besef die historiese klimaat en klimaatswisselvalligheid soos hulle daaraan gewoond was, is besig om te verskuif, sê dr. Stephanie Midgley, wetenskaplike oor klimaatsverandering en risikobepaling by die Wes-Kaapse departement van landbou.
“Boere hoef nie elke wetenskaplike detail van al die neigings van klimaatsverandering of alle modelle te ken nie. Hulle moet wel verstaan watter klimaatsfaktore groter risiko’s word en watter kleiner, en klimaatsverandering en langtermyndenke in hul risiko-ontleding en besluitneming op die plaas in ag neem.”
Sy sê boere wat meerjarige of boordgewasse vestig, moet 20-30 jaar in die toekoms kan dink en weet wat die keuses is en watter die beste is.
