Projeksies dui daarop dat die eerste ryp vanjaar reeds teen middel April of die derde week van April oor die oostelike dele van Suid-Afrika kan voorkom.
In soortgelyke jare as vanjaar, waar die La Niña-stelsel besig is om te verswak soos in 2012, het die eerste ryp reeds voor middel April voorgekom. Mnr. Johan van den Berg, onafhanklike landbouweerkundige, sê met die voorspelde afname in reën in die volgende maande weens onder meer die verswakking van die La Niña-stelsel en ’n toename in die voorkoms van tropiese storms wat vogtige lug weg laat beweeg van die land af, sal lugvog laer wees en ryp makliker voorkom. “Vogtige lug en wolke vorm die sogenoemde kombers-effek wat hitteterugstraling vanaf die aarde se oppervlak na die atmosfeer beperk.”
Hoekom kan skade op aanplantings voorkom?
