Die Suid-Afrikaanse Weerdiens het ’n geel vlak 2-waarskuwing uitgereik vir swaar donderstorms wat tot swaar neerslae en hael kan lei oor die Kaapse Wynland, die Swartland, Swellendam en Kaap Agulhas.
Die weerdiens het ook ’n geel vlak 1-waarskuwing uitgereik vir swaar donderstorms met wind wat skade kan veroorsaak, oor die distrikte Alfred Nzo en Ingquza Hill in die Oos-Kaap.
’n Uiters hoë brandgevaar word vandag oor Tsantsabane en Siyathemba in die Noord-Kaap verwag.
Dit sal vandag gedeeltelik bewolk en warm wees met enkele buie en donderbuie in Gauteng, Mpumalanga en die Vrystaat. In Limpopo en Noordwes word gedeeltelik bewolkte en warm tot baie warm weer met enkele buie en donderbuie verwag.
Gedeeltelik bewolkte en koel tot warm weer met enkele buie en donderbuie in die ooste word vir die Noord-Kaap voorspel. Dit sal ook in die Wes-Kaap gedeeltelik bewolk en koel tot warm wees.
In die Oos-Kaap word gedeeltelik bewolkte en koel tot warm weer verwag met enkele buie en donderbuie verwag.
Gedeeltelik bewolkte en warm tot baie warm weer met enkele buie en donderbuie in die verre weste en suide word vir KwaZulu-Natal voorspel.
Laai die Landbou.com-app af en lees jou landbounuus direk op die app. Dié app is beskikbaar in die Apple-, Android- en Huawei-winkels.
